प्रेम कविता_तिमीलाई भेट्न आउँदैछु _ज्ञानेन्द्ररत्न वज्राचार्य

 

तिमीलाई भेट्न आउँदैछु -    ज्ञानेन्द्ररत्न वज्राचार्य

प्रीय तिमीलाई भेट्न म आउँदैछु

आउँछु अवश्य म निश्चित समयमा ।

तिमी मेरो प्रतिक्षामा निश्चिन्त रहिरहुन् 

आउँछु म प्रणय दिवसको प्रथम प्रहरमा ।। १ ।। 

खाँदा, सुत्दा, बस्दा र जहाँसुकै जाँदा

अनायास सम्झना हरदिन तिम्रै मात्र ।

कोही  अपरिचित अन्जानलाई देख्दा 

मेरो हृदय भित्र झझल्को तिम्रै मात्र ।। २ ।।

रातो फूल गुलाफ मेरो उपहार तिमीलाई

टक्राउँछु प्रेम प्रस्ताव निसंकोच ग्रहण गर्नु ।

सेतो फूल गुलाफ मेरो उपहार तिमीलाई 

टक्राउँछु साँचोमाया हृदयबाट स्वीकार गर्नु ।। ३ ।।

कहिल्यै नटुट्ने असीम मायाप्रीतिको बन्धन

कसिनु छ आजै दुई बिचको प्रेम समझदारीमा ।

पवित्र मित्रताको प्रतीक ईमान्दारीताको संगम । 

जोडिनु छ छिट्टै दुई बिचको सुमधुर विश्वासमा ।। ४ ।।

प्रीय आज वर्ष दिनको महत्वपूर्ण दिवस

प्रतिक्षा गर्नु म अवश्य भेट्न आउँदैछु ।

हाम्रो कल्पना र सपनाको मिलन दिवस 

रोकतोक बाधा छैन म सहजै आउँदैछु ।। ५ ।।

यौवनको क्षणिक आशक्तिमा कहिल्यै डुब्दिन म

नारी अस्मिता र रक्षाको हर क्षण सम्मान गर्दछु म ।

पवित्र निष्कलंक प्रेमको सदाबहार पुजारी हुँ म ।

नारी दमन, हत्या र हिंसाको संधै विरोधी हुँ म ।। ६ ।।

तिम्रो योग्यता र सहनशीलताबाट म प्रभावित

तिम्रो शरीरको सौंदर्य र रुपबाट म झनै मोहित ।

तसर्थ तिमी  विनाको जिन्दगी अधुरो र अपुरो

प्रतिक्षामा छु होस् छिट्टै लगनगाँठो म सित ।। ७ ।।

एक सिक्काको दुई पाटा हो यो हाम्रो जीवन

जोड्न सके हुँदैन जिन्दगी कहिल्यै जलन ।

प्रगतिपथमा तिम्रो र मेरो भइसक्यो मिलन

तर तिम्रो हृदयमा के छ ? म प्रतिको दिलन ।। ८ ।।

यति धेरै कुराको बाचा बन्धन पूरा गर्नु छ

त्यसैले आउँदैछु प्रीय म प्रणय दिवसमा ।

तिमीलाई भेट्ने अवसरको साईत जुडेको छ 

प्रतिक्षा गर्नु आउँदैछु म तोकेकै समयमा  ।। ९ ।। 

              ।। समाप्त ।।

१५ वडा, च्वय्बुँ धिमेल्वहँ काठमाडौं ।